საქართველოს მეხუთე პრეზიდენტის სალომე ზურაბიშვილის თქმით, დღეს აეროპორტში მასზე განხორციელებულ თავდასხმაზე საჩივარი შეიტანა და გამოძიებას ითხოვს.
„ დღეს საჩივარი შევიტანე, გამოძიება მოვითხოვე, ყველაფერს ბოლომდე მივიყვანთ, იმიტომ რომ ადგილი ჰქონდა ორგანიზებულ ძალადობას, წინასწარ ორგანიზებულს და შემდგომ უკვე პოლიტიკოსების მიერ, ოცნების მიერ პირდაპირ გამართლებული ძალადობა პრეზიდენტის მიმართ.
არ აქვს მნიშვნელობა, ისინი რომელ პრეზიდენტს ცნობენ, თუ არ ცნობენ. ეს არის სახელმწიფო და ეს ნიშნავს, რომ სახელმწიფოს არ სცემენ პატივს, მე ვარ იმის სიმბოლო, რასაც ებრძვის ქართული ოცნება - ქართულ სახელმწიფოს, ტრადიციებს, ზრდილობას, მაგრამ ეს უკვე ძალიან დიდი ხანია, რაც დაავიწყდათ და საქართველოს სურათს მსოფლიოში", - თქვა სალომე ზურაბიშვილმა.
საქართველოს მე-5 პრეზიდენტს, სალომე ზურაბიშვილს, რომელიც მიუნხენის უსაფრთხოების კონფერენციიდან ბრუნდებოდა, აეროპორტში უცნობი პირები დახვდნენ და კვერცხები ესროლეს,
17 თებერვალს გამთენიისას აეროპორტში კვერცხები ესროლეს გიორგი გახარიას და გერმანიის ყოფილ ელჩს, ელგუჯა ხოკრიშვილსაც.
