პარიზში ევროპელი ლიდერების სამიტის შემდეგ, ნატო-ს გენერალურმა მდივანმა მარკ რუტემ განაცხადა, რომ ევროპა მზად არის წამყვანი როლი შეასრულოს უკრაინის უსაფრთხოების გარანტიების უზრუნველსაყოფად. ამის შესახებ მან X-ზე დაწერა.
რუტემ პარიზში ევროპელი ლიდერების საგანგებო სამიტში მიიღო მონაწილეობა.
"მზადყოფნა და სურვილი. ეს არის ჩემი აზრი პარიზში დღევანდელ შეხვედრაზე. ევროპა მზად არის და სურვილი აქვს ნაბიჯი გადადგას. უხელმძღვანელოს უკრაინის უსაფრთხოების გარანტიების უზრუნველყოფას", - აღნიშნა ნატო-ს გენერალურმა მდივანმა.
გარდა ამისა, მისი თქმით, ევროპა მზად არის მეტი ინვესტიცია ჩადოს თავის უსაფრთხოებაში.
„დეტალები ჯერ გადასაწყვეტია, მაგრამ ვალდებულებები ნათელია“, - თქვა რუტემ.
17 თებერვალს ცნობილი გახდა, რომ 18 თებერვალს საუდის არაბეთში აშშ-სა და რუსეთის წარმომადგენლები უკრაინის ომის დასრულების საკითხზე იმსჯელებენ.
ერ-რიადში შეხვედრაზე არ მიიწვეს უკრაინისა და ევროპის წარმომადგენლები.
საუდის არაბეთში აშშ-ს მხრიდან სახელმწიფო მდივანი მარკო რუბიო ჩავიდა. მოგვიანებით ერ-რიადში რუსეთის საგარეო საქმეთა მინისტრი, სერგეი ლავროვი და რუსეთის პრეზიდენტი მრჩევლი, იური უშაკოვი ჩაფრინდნენ.
საუდის არაბეთის შეხვედრაზე პასუხად ემანუელ მაკრონმა საგანგებო შეხვედრა მოიწვია, რომელიც პარიზში, ელისეს მინდვრებზე გაიმართა.
