შიმშილობის ხანგრძლივობიდან გამომდინარე, შეიძლება მოხდეს სხვადასხვა ორგანოს ფუნქციების მოშლა, რაც შეიძლება დაუკავშირდებოდეს ლეტალურ გამოსავალს.
ვივამედის" კლინიკური დირექტორი, ზურაბ ჩხაიძე მზია ამაღლობელის ჯანმრთელობის მდგომარეობის შესახებ ამბობს, რომ ჟურნალისტის შიმშილობის ხანგრძლივობიდან გამომდინარე, ყოველი დღე სერიოზულ რისკებთან არის დაკავშირებული.
"შეიძლება მოხდეს სხვადასხვა ორგანოების ფუნქციების მოშლა" - აცხადებს ზურაბ ჩხაიძე, რომელიც გამოცემა "ბათუმელებისა" და "ნეტგაზეთის" დირექტორს მოუწოდებს, სრულად დაექვემდებაროს მედიკოსების რეკომენდაციას.
მე შემიძლია გითხრათ, რომ შიმშილობის ხანგრძლივობიდან, მისი ზოგადი მონაცემებიდან, კვლევის შედეგებიდან გამომდინარე, მე მოვუწოდებ, კოლეგებს, ოჯახის წევრებს, ადვოკატებს, თანამოაზრეებს, რომ დაარწმუნონ მზია, დაექვემდებაროს სრულად ექიმების რეკომენდაციას.
ხანგრძლივობიდან გამომდინარე, ყოველი დღე არის დაკავშირებული გარკვეულ რისკებთან. ეს შეიძლება იყოს სხვადასხვა ორგანოების ფუნქციების მოშლა, რაც შეიძლება დაუკავშირდებოდეს ლეტალურ გამოსავალს. ლეტალური გამოსავლის თავიდან ასაცილებლად აუცილებელია, რომ სრულად შეასრულოს ექიმის რეკომენდაციები". - განუცხადა ზურაბ ჩხაიძემ „ტვ პირველს“.
