რუსეთის პრეზიდენტმა, ვლადიმირ პუტინმა საგარეო საქმეთა მინისტრი სერგეი ლავროვი და კრემლის უფროსი მრჩეველი იური უშაკოვი საუდის არაბეთში აშშ-ის ოფიციალურ პირებთან შესახვედრად გაგზავნა.ამის შესახებ სააგენტო Reuters იუწყება.
რუსეთის პრეზიდენტის პრესმდივნის, დიმიტრი პესკოვის თქმით, ისინი ამერიკელ კოლეგებთან შეხვედრას, სავარაუდოდ, სამშაბათს გამართავენ.
"დღეს, პრეზიდენტი პუტინის ინსტრუქციით, საგარეო საქმეთა მინისტრი ლავროვი და პრეზიდენტის მრცევენი იური უშაკოვი რიადში მიფრინავენ. ამერიკელ კოლეგებთან შეხვედრას, სავარაუდოდ, სამშაბათს გამართავენ, რაც ძირითადად რუსეთ-ამერიკის ურთიერთობაში არსებული მთელი სირთულეების გადაწყვეტას დაეთმობა" – თქვა პესკოვმა.
აშშ-ის პრეზიდენტმა, დონალდ ტრამპმა პუტინთან ბოლო სატელეფონოო საუბრის შემდეგ განაცხადა, რომ ისინი დაიწყებენ მოლაპარაკებებს უკრაინაში ომის დაუყოვნებლივი დასრულების შესახებ.
გუშინ, 17 თებერვალს Reuters-მა გაავრცელა ინფომაცია, რომ აშშ-ს სახელმწიფო მდივანი მარკო რუბიო რუსეთ-უკრაინის ომის შესახებ აშშ-რუსეთის მოლაპარაკებებისთვის საუდის არაბეთში ჩავიდა.
