რუსი ოპოზიციონერის, ალექსეი ნავალნის ქვრივმა იულია ნავალნაიამ მიუნხენის უსაფრთხოების კონფერენციაზე რადიო თავისუფლებასთან საუბრისას საქართველოში მიმდინარე საპროტესტო აქციებზე გააკეთა კომენტარი.
ნავალნაიას თქმით, შთამაგონებელია, რომ ანტისამთავრობო პროევროპულ პროტესტებზე ქუჩაში მრავალი ადამიანი გამოდის.
"პირველ რიგში, მინდა, აღფრთოვანება გამოვხატო საქართველოს ოპოზიციის მიმართ. ჩვენ ყველამ ვიხილეთ ეს პროტესტი, და მართლა შთამაგონებელი იყო, რამდენი ადამიანი გავიდა ქუჩაში". - თქვა ნავალნაიამ.
მავალნაიას თქმით, პუტინი ძალიან კარგად ფლობს ჰიბრიდული ჩარევის მეთოდებს მის გარშემო მდებარე ყველა ქვეყანაში.
"პუტინი ძალიან კარგად ფლობს ჰიბრიდული ჩარევის მეთოდებს მის გარშემო მდებარე ყველა ქვეყანაში. ამიტომაც, საქართველოს ოპოზიციის მხარდაჭერა კრიტიკულად მნიშვნელოვანია...
რთულია რჩევის მიცემა, რადგან ჩვენც იგივე მდგომარეობაში ვართ. ალბათ, პირიქით, ჩვენ უნდა ვთხოვდეთ მათ [ქართველ დემონსტრანტებს] რჩევას, ვკითხოთ, რა და როგორ უნდა გავაკეთოთ, რადგან, როგორც ვნახეთ, ამ საქმეში ისინი ძალიან კარგები არიან," - თქვა ნავალნაიამ.
