ატომური ენერგიის საერთაშორისო სააგენტომ ჩერნობილის ატომური ელექტროსადგურის დამცავ სარკოფაგზე რუსული დრონის დარტყმის შედეგებთან დაკავშირებით განცხადება გაავრცელა და აღნიშნა, რომ მიუხედავად მნიშვნელოვანი დაზიანებისა, ობიექტზე რადიაციის დონე არ შეცვლილა.
14 თებერვალს, ფუგასური ქობინის მქონე რუსულმა სამხედრო დრონმა დაარტყა საფარს, რომელიც მსოფლიოს ჩერნობილის ატომური ელექტროსადგურის განადგურებული მე-4 ენერგობლოკის რადიაციისგან იცავს.
განცხადებაში ნათქვამია, რომ შემთხვევის ადგილზე ატომური ენერგიის საერთაშორისო სააგენტომსჯგუფს ჰქონდა შეუზღუდავი წვდომა აფეთქების ადგილზე და ჩაატარა დეტალური შემოწმება ობიექტის დაზიანების შესაფასებლად.
„უკრაინელი მეხანძრეები მუშაობდნენ 24 საათის განმავლობაში ცივ ამინდში, რათა სრულად ჩაექროთ მცირე ხანძრები, რომლებიც ჯერ კიდევ შეინიშნებოდა პარასკევს დრონის დარტყმის შემდეგ შენობაზე, რომელიც შეიცავს 1986 წელს ჩერნობილის ატომური კატასტროფის შედეგად განადგურებული რეაქტორის ნაშთებს“, - განაცხადა ატომური ენერგიის საერთაშორისო სააგენტოს დურექტორმა რაფაელ გროსის.
გროსის თქმით, ეს ძალიან სერიოზული ინციდენტი იყო, როდესაც დრონმა დაარტყა და დააზიანა ბირთვული ობიექტის დამცავ აღჭურვილობას.
„როგორც მე არაერთხელ განვაცხადე ამ დამანგრეველი ომის დროს, „ატომურ ობიექტზე თავდასხმა აბსოლუტურად მიუღებელია და არასოდეს უნდა მოხდეს. ეს განსაკუთრებით შემაშფოთებელია, რადგან ჩვენ ასევე ვხედავთ გაზრდილ სამხედრო აქტივობას ზაპოროჟიეს ატომური ელექტროსადგურის ტერიტორიაზე “, - თქვა გროსიმ.
მისი თქმით, ბირთვული უსაფრთხოება კვლავ დიდი საფრთხის ქვეშ რჩება.
