გერმანიის ვიცე-კანცლერი რობერტ ჰაბეკი მკაცრად გამოეხმაურა აშშ-ის ვიცე-პრეზიდენტის ჯეი დი ვენსის გამოსვლას მიუნხენის უსაფრთხოების კონფერენციაზე, სადაც მან გააკრიტიკა დემოკრატიის მდგომარეობა ევროპაში.
მან აღშფოთება გამოხატა იმის გამო, რომ შეერთებული შტატები ერევა გერმანიის პოლიტიკაში.
"ეს შენი საქმე არ არის. შენს საქმეს მიხედე, აშშ-ის ისედაც ბევრი საქმე აქვს გასაკეთებელი," - მიმართა მან ვენსს
ჰაბეკმა ასევე კომენტარი გააკეთა აშშ-ის ვიცე-პრეზიდენტის განცხადებაზე, რომ ევროპის ბევრ ქვეყანაში დემოკრატიას საფრთხე ემუქრება.
„ჩვენ გვაქვს ჩვენი დამოუკიდებელი სასამართლოები. ჩვენ თვითონ ვწყვეტთ რომელი კოალიციები შევქმნათ და თავადც ვწყვეტთ რომელი ღირებულებები დავიცვათ. და ეს ღირებულებები განსხვავდება ვენსის მიერ წარმოდგენილი ღირებულებებისგან“, - აღნიშნა ჰაბეკმა.
მიუნხენის უსაფრთხოების კონფერენციაზე ჯეი დი ვენსმა სხვა პარტიებსა და „ალტერნატივა გერმანიისთვის“ შორის ურთიერთობასთან დაკავშირებით თქვა, რომ „ბარიერების ადგილი არ არის“. აშშ-ის ვიცე-პრეზიდენტის თქმით, კონფერენციის ორგანიზატორებმა პოპულისტური პარტიების დეპუტატები დაბლოკეს.
„მიუნხენის კონფერენციის ორგანიზატორებმა დაბლოკეს პოპულისტური პარტიების დეპუტატები, რომ მონაწილეობა მიეღოთ ამ საუბარში, ჩვენ ვერ დავეთანხმებით ყველაფერს, რასაც ხალხი ამბობს, მაგრამ პოლიტიკოსები როდესაც წარმოადგენენ მნიშვნელოვან საარჩევნო ოლქს, ეს ავალდებულებთ, რომ, სულ მცირე, მონაწილეობა მიიღონ დიალოგში“ – განაცხადა ვენსმა.
