სამოქალაქო აქტივისტის, დავით ფუთურიძის თქმით, საცხოვრებელ სახლთან 3 უცნობი მამაკაცი თავს დაესხა და ფიზიკურად გაუსწორდა. ფუთურიძეს აღენიშნება ფიზიკური დაზიანებები.
"სახლიდან გამოვედი, უნდა გავსულიყავი საქმეზე. აქ გამოვიარე. აქ ერთი მაღალი, გამხდარი ტიპი იდგა. აქ იდგა ჩემზე ოდნავ დაბალი ტიპი და შლაგბაუმთან იდგა პირბადიანი ადამიანი. დაბალმა მომიქნია ხელი, ტელეფონზე ვლაპარაკობდი და ტელეფონი გამაგდებინა. წინააღმდეგობის გაწევა დავიწყე და ამასობაში უკნიდან მომხვდა რაღაც საგანი. შევბარბაცდი და წავიქეცი. სახეზე ავიფარე ხელები და მერე ალბათ 2 წუთი მირტყამდნენ. [არც ერთი არ მეცნობოდა]". - თქვა აქტივისტმა TV პირველთან საუბრისას.
აქტივისტის თქმით, იმ საცხოვრებელ სახლში, რომელთანაც ცოტა ხნის წინ რეჟიმის ტიტუშკები დაესხნენ თავს, ერთი კვირაა, რაც გადმოვიდა და ოფიციალურად "არსად ფიქსირდება, რომ იქ ცხოვრობს".
ფუთურიძე თავდასხმას მის პოლიტიკურ აქტივობას უკავშირებს. მისივე თქმით, ადრეც ემუქრებოდნენ, რომ ის უნდა "გაჩუმებულიყო" და აღარ გაეგრძელებინა პოლიტიკური აქტივობა.
