ევროკომისიის პრეზიდენტმა ურსულა ფონ დერ ლაიენმა აღნიშნა, რომ აშშ-ის ადმინისტრაციის განცხადებებს შორის უკრაინასთან დაკავშირებით, არის ისეთი განცხადებებიც, რომელთა გარშემოც შეთანხმება შესაძლებელია.
ფონ დერ ლაიენმა აღნიშნა, რომ ევროპაში ბოლო დღეებში იყო შეშფოთება უკრაინის შესახებ აშშ-ის ადმინისტრაციის ოფიციალური პირების მიერ გაკეთებული ბოლო განცხადებების გამო.
„მაგრამ აქ ჩვენ უნდა ვიყოთ გულწრფელები და თავიდან უნდა ავიცილოთ არშფოთება და უკმაყოფილება, რადგან თუ ჩვენ მოვუსმენთ განცხადებების არსს, ჩვენ არა მხოლოდ გვესმის, საიდან მოდის ის, არამედ ვაღიარებთ, რომ შეგვიძლია დავეთანხმოთ ზოგიერთ მათგანს“, - თქვა ფონ დერ ლეიენმა.
მან აღნიშნა, რომ ევროკავშირსაც და შეერთებულ შტატებსაც სურთ დაასრულონ სისხლისღვრა უკრაინაში და ასევე სურთ სამართლიანი და ხანგრძლივი მშვიდობა, რომელიც მიგვიყვანს სუვერენულ და აყვავებულ უკრაინამდე.
მან დასძინა, რომ ევროკავშირი და აშშ ასევე თანხმდებიან, რომ უკრაინამ უნდა მიიღოს უსაფრთხოების ძლიერი გარანტიები.
„მაგრამ ის, რაც ჩემთვის რეზონანსს იწვევს, ყველაზე მეტად, ალბათ, არის საჭიროება, რომ ევროპამ არა მხოლოდ გულწრფელად ისაუბროს, არამედ შესაბამისად იმოქმედოს...
მე მიმაჩნია, რომ როდესაც საქმე ეხება ევროპულ უსაფრთხოებას, ევროპამ მეტი უნდა გააკეთოს“, - განაცხადა ევროკომისიის პრეზიდენტმა.
