შეერთებული შტატების თავდაცვის მდივანმა პიტ ჰეგსეთმა თქვა, რომ მისი წინა განცხადებები უკრაინის ნატო-ში არარეალური გაწევრიანების შესახებ არ ნიშნავს იმას, რომ ქვეყანა სამომავლოდ ალიანსში გაწევრიანებას ვერ შეძლებს. ამის შესახებ ჰეგსეთმა Breitbart News-თან ინტერვიუში განაცხადა. იუწყება უკრაინული მედია.
გამოცემა იხსენებს, რომ ჰეგსეთის მიერ „რამშტაინის ფარგლებში გაკეთებულმა ბოლო განცხადებამ შეშფოთება გამოიწვია ევროპაში.
თუმცა, აშშ-ის თავდაცვის მდივანმა განმარტა, რომ მისი სიტყვები არ უნდა იქნას მიღებული როგორც „წითელი ხაზები“, რადგან ის სიტუაციის „რეალობაზე“ საუბრობს.
„მე არ ვარ ის, ვინც აცხადებს რა არის წითელი ხაზი და რა არა.
მე ვმუშაობ პრეზიდენტთან და ჩვენ ვმუშაობთ ამ საკითხებზე, მაგრამ ვფიქრობდით, რომ სასარგებლო იქნებოდა საუბარში ცოტა რეალობის შემოტანა.
საბოლოო ჯამში, პრეზიდენტი ტრამპი არის ის, ვინც განსაზღვრავს, არის თუ არა ადგილი მანევრისთვის ან გადაადგილებისთვის ნებისმიერ მოცემულ პოზიციაზე,” - განაცხადა ჰეგსეთმა.
პენტაგონის ხელმძღვანელმა ხაზგასმით აღნიშნა, რომ მისი განცხადებები არ ნიშნავს იმას, რომ უკრაინა მომავალში ნატო-ში ვერ გაწევრიანდება.
