გერმანიის თავდაცვის მინისტრმა ბორის პისტორიუსმა მიუნხენის უსაფრთხოების კონფერენციის ფარგლებში ორგანიზებულ ღონისძიებაზე ფორუმის ოფიციალური გახსნის წინა დღეს განაცხადა, რომ უკრაინასა და რუსეთს შორის სამშვიდობო შეთანხმების მიღწევის შემთხვევაშიც კი, რუსეთის პრეზიდენტი ვლადიმირ პუტინი კვლავ ევროპის საფრთხედ დარჩება.
პისტორიუსის თქმით, აშშ-ის პრეზიდენტის დონალდ ტრამპის ადმინისტრაცია ისწრაფვის სწრაფ სამშვიდობო შეთანხმებას მიაღწიოს რუსეთსა და უკრაინას შორის და რეგიონში სტაბილურობის უზრუნველყოფაზე პასუხისმგებლობა ევროპის ქვეყნებს დააკისროს .
თუმცა, შეთანხმების მიღწევის შემთხვევაშიც კი, ევროპა ვერ ამოისუნთქვას, რადგან პუტინი გააგრძელებს თავდასხმებს დასავლეთის წინააღმდეგ.
"პუტინი გააგრძელებს ჩვენზე თავდასხმას ჰიბრიდული გზით. ის კვლავ იქნება საფრთხე ჩვენი კონტინენტისთვის", - ხაზგასმით აღნიშნა პისტორიუსმა.
მისი აზრით, ევროპის უსაფრთხოება სამხედრო ძალასა და ტექნოლოგიურ ინოვაციებს უნდა ეფუძნებოდეს.
მან აღნიშნა, რომ უკრაინის ომმა აჩვენა სამხედრო სფეროში მოწინავე განვითარების მნიშვნელობა, რადგან ახალი ტექნოლოგიები თანამედროვე ომის პირობებში იცვლება "არა წლები, არამედ თვეები და კვირები", რადგან ეს არის სიცოცხლისა და სიკვდილის საკითხი.
პისტორიუსმა დაასახელა ოთხი ძირითადი სფერო, რომელიც განსაზღვრავს თავდაცვის ტექნოლოგიების მომავალს: ხელოვნური ინტელექტი, კვანტური ტექნოლოგიები, თვითმფრინავები და კიბერუსაფრთხოება.
