კაბელების საქმე დასრულდა სტრასბურგში. წააგო სახელმწიფომ, ზუსტად ასე ჩამოენგრევა ივანიშვილს თავზე ყველა შეთითხნილი საქმე, - ამის შესახებ თავდაცვის ყოფილი მინისტრის თინა ხიდაშელი სოციალურ ქსელში წერს.
„კაბელების საქმე დასრულდა სტრასბურგში. წააგო სახელმწიფომ ეს საქმე! ასეც უნდა მომხდარიყო და მართალია 10 წელი დაჭირდა ამ საქმეს მაგრამ ურმით მოარული სამართალი მივიდა თავისი დანიშნულების ადგილზე!
ზუსტად ასე ჩამოენგრევა ივანიშვილს თავზე ყველა შეთითხნილი საქმე, მაგრამ მანამდე ქართველმა ხალხმა უნდა თქვას თავისი სიტყვა!
PS ეს საქმე ერთ ერთი პირველი იყო სადაც საჯაროდ შევასკდით მე და მაშინდელი იუსტიციის მინისტრი იურისტობა რომ დამიწუნა ამ ხალხის სამსახურში აღდგენისთვის“, - წერს თინა ხიდაშელი.
შეგახსენებთ, დღეს "საქართველოს ახალგაზრდა იურისტთა ასოციაციამ" გაავრცელა ინფორმაცია, რომლის თანახმად, "კაბელების საქმეზე" ადამიანის უფლებათა ევროპულმა სასამართლომ სამართლიანი სასამართლოს უფლების დარღვევა დაადგინა.
