The Telegraph-თვის ცნობილი გახდა, რომ აშშ-ის პრეზიდენტის დონალდ ტრამპის ადმინისტრაციამ შეაჩერა უკრაინის "სამშვიდობო გეგმაზე" მუსაივა, რათა ევროპელ პარტნიორებთან კონსულტაციები გამართოს.
ბრიტანული გამოცემის ცნობით, ტრამპის წარმომადგენელმა კიტ კელოგმა ევროპელ დიპლომატებთან საუბრისას პირობა დადო, რომ „სამშვიდობო გეგმის“ დასრულებამდე კონსულტაციებს გამართავს ნატო-ელ აშშ-ის მოკავშირეებთან. კელოგი მოლაპარაკებებს გამართავს ალიანსის წევრი ქვეყნების პრემიერ-მინისტრებთან და პრეზიდენტებთან.
ამავდროულად, ტრამპის წარმომადგენელმა, სავარაუდოდ უნდა წარადგინოს "სამშვიდობო გეგმის" ელემენტები მიუნხენის უსაფრთხოების კონფერენციაზე.
The Telegraph-ის ცნობით, შესაძლოა საუბარი იყოს უკრაინის სამხედრო დახმარებაზე უკრაინის იშვიათ წიაღისეულზე წვდომის სანაცვლოდ.
გამოცემის წყაროები ამბობენ, რომ კელოგმა ევროპელები დაარწმუნა, რომ აშშ-ის სურვილია, გააძლიეროს უკრაინის პოზიციები რუსეთთან მომავალ მოლაპარაკებებში.
