რუსეთის პრეზიდენტის პრესმდივანმა დმიტრი პესკოვმა განაცხადა, რომ ვერც ადასტურებს და ვერც უარყოფს ინფორმაციას აშშ-ის პრეზიდენტის დონალდ ტრამპისა და რუსეთის პრეზიდენტ ვლადიმირ პუტინის სატელეფონო საუბრის შესახებ.
„როდესაც ვაშინგტონის ადმინისტრაცია ახორციელებს თავის სამუშაოს, არსებობს მრავალი განსხვავებული კომუნიკაცია და ეს კომუნიკაციები სხვადასხვა არხებით მიმდინარეობს.
და, რა თქმა უნდა, ამ კომუნიკაციების სიმრავლის ფონზე, მე პირადად შეიძლება რაღაც არ ვიცოდე. შესაბამისად, ამ შემთხვევაში მე ვერც დავადასტურებ და ვერც უარვყოფ“, - განუცხადა პესკოვმა რუსულ გამოცემა „იზვესტიას“.
შეგახსენებთ, აშშ-ის პრეზიდენტმა დონალდ ტრამპმა New York Post-თან ინტერვიუში განაცხადა, რომვლაიდიმირ პუტინს ტელეფონით ესაუბრა.
