ამერიკელმა მილიარდერმა ილონ მასკმა განაცხადა, რომ არ არის დაინტერესებული TikTok-ისაპლიკაციის შეძენით, რომლის აკრძალვას შეერთებული შტატები ეროვნული უსაფრთხოების ნიშნით ცდილობს. იუწყება Reuters

"მე არ წარმიდგენია განაცხადი TikTok-ის შესაძენად," - თქვა მასკმა.

გამოცემა აღნიშნავს, რომ მასკმა ეს განცხადება გააკეთა აშშ-ის პრეზიდენტ დონალდ ტრამპის განცხადებიდან ერთი კვირის შემდეგ, რომ ღიაა მასკის მიერ აპლიკაციის შეძენის სურვილის შემთხვევაში.

„არ მაქვს რაიმე გეგმები, იმასთან დაკავშირებით რას გავაკეთებდი TikTok რომ მქონდეს“, - აღნიშნა მასკმა.

მასკმა დასძინა, რომ ის პირადად არ იყენებს მოკლე ვიდეოს და არ იცნობს TikTok-ის ფორმატს.

"მე არ მსურს TikTok-ის შეძენა, საერთოდ არ ვყიდულობ კომპანიებს, ეს საკმაოდ იშვიათია," - თქვა მასკმა.

მასკი ამბობს, რომ მისი მილიარდდოლარიიანი  შესყიდვა სოციალური ქსელის Twitter-ის , ახლა კი X-ის, გამონაკლისი იყო.

”მე ჩვეულებრივ კომპანიების აშენებას ნულიდან ვიწყებ”, - დასძინა მასკმა.

იანვრის ბოლოს, აშშ-ის პრეზიდენტმა დონალდ ტრამპმა განაცხადა, რომ მოლაპარაკებებს აწარმოებს რამდენიმე დაინტერესებულ მხარესთან TikTok-ის შესაძლო შეძენის შესახებ.

საბოლოო გადაწყვეტილება, სავარაუდოდ, უახლოეს 30 დღეში იქნება მიღებული.