მადრიდში ევროპული ულტრამემარჯვენე პარტიების ლიდერების სამიტი გაიმართა, რომლის სლოგანი იყო - „გავხადოთ ევროპა კვლავ დიადი“. სამიტს უნგრეთის პრემიერ მინისტრი ვიქტორ ორბანი და საფრანგეთის ეროვნული მიტინგის პარტიის საპარლამენტო ფრაქციის ლიდერი მარინ ლე პენი უძღვებოდნენ. ღონისძიება ორგანიზებული ოყო ევროპის უმსხვილესი მემარჯვენე ბლოკის, ევროპარლამენტის სიდიდით მესამე ფრაქციის, „პატრიოტები ევროპისთვის“.
ეს პოლიტიკური ძალა აშშ-ში დონალდ ტრამპის ხელისუფლებაში დაბრუნებას მიესალმა და ევროკავშირში „180-გრადუსიანი დააანონსა.
„ტრამპის ტორნადომ მსოფლიო სულ რაღაც რამდენიმე კვირაში შეცვალა, ერა დასრულდა. გუშინ ჩვენ მათთვის ერეტიკოსები ვიყავით, დღეს ჩვენ მეინსტრიმი ვართ”, – განაცხადა ვიქტორ ორბანმა.
მასშტაბურ აქციას ასევე ესწრებოდნენ იტალიის ვიცე-პრემიერი მატეო სალვინი, ნიდერლანდების პარლამენტის ყველაზე დიდი მემარჯვენე „თავისუფლების პარტიის“ ლიდერი გეერტ ვილდერსი და ჩეხეთის ყოფილი პრემიერ-მინისტრი ანდრეი ბაბიში.
სიტყვით გამომსვლელი ულტრამემარჯვენე პოლიტიკოსები საუბრობდნენ იმიგრაციაზე, „ვოუქიზმზე“, მიგრანტების დახმარებაზე მომუშავე არასამთავრობო ორგანიზაციებზე და სხვა საკითხებზე.
მონაწილეებმა გააკრიტიკეს ევროკავშირის პოლიტიკა.
„ევროკავშირი ფიტავს ჩვენი სახელმწიფოების სუვერენიტეტს, რათა დანერგოს უუნარობა. ის აფერხებს ჩვენი ხალხების შემოქმედებით ძალებს, რათა თავს მოახვიოს სულელური და უნაყოფო სტანდარტიზაცია. ის ძირს უთხრის მშენებლის სულისკვეთებას, ბორკავს იმ ადამიანებს, რომლებიც იმედგაცრუებულნი არიან შეზღუდვების, აკრძალვებისა და დეკონსტრუქციის ლოგიკით“, – განაცხადა მარინ ლე პენმა.
