გაერთიანებული სამეფოს პარლამენტის წევრი, ჯეიმს მაკკლირი საქართველოში მიმდინარე მოვლენებს პლატფორმა X-ზე გამოეხმაურა.
"საქართველოში სიტუაცია უარესდება. პუტინის მიერ მხარდაჭერილი ოლიგარქი ივანიშვილის მიერ კონტროლირებადი მთავრობა სულ უფრო ავტორიტარული ხდება". - წერს ლიბერალ-დემოკრატიული პარტიის წევრი.
მაკკლირი ასევე გამოეხმაურა "ბათუმელებისა" და "ნეტგაზეთის" დამფუძნებლის, მზია ამაღლობელის დაკავებას.
"გაერთიანებული სამეფოს მთავრობამ უნდა იმოქმედოს იმისთვის, რომ მხარი დაუჭიროს პროდემოკრატიულ პროტესტანტებსა და ჟურნალისტებს, როგორიც არის ქალბატონი მზია ამაღლობელი". - წერს პარლამენტარი სოციალურ ქსელში.
