ბრიტანეთის პრემიერ-მინისტრი კირ სტარმერი 3 თებერვალს ბრიუსელში ევროკავშირის ლიდერების არაფორმალურ სამიტზე მოწოდებით გამოვა გაიზარდოს რუსეთზე ეკონომიკური ზეწოლა და უკრაინის მხარდაჭერა .
დაუნინგ სტრიტის განცხადებაში აღნიშნულია, რომ სამიტის განმავლობაში კირ სტარმერი ყურადღებას გაამახვილებს სანქციების გაფართოების აუცილებლობაზე რუსული ომის მანქანის დაფინანსების ძირითადი წყაროების მიმართ.
განსაკუთრებული ყურადღება დაეთმობა ენერგეტიკულ სექტორს და კომპანიებს, რომლებიც უზრუნველყოფენ რუსეთში რაკეტების წარმოებას.
„მე ვარ აქ, რათა ჩვენს ევროპელ პარტნიორებთან ერთადგავაგრძელო ზეწოლა, რომელიც მიმართულია ენერგომატარებლებისა და კომპანიების შემოსავალზე, რომელიც უზურუნველყოფს სარაკეტო ქარხნებს, რათა განადგურდეს პუტინის სამხედრო მანქანა“, - განაცხადა სტარმერმა.
პრემიერ-მინისტრი ხაზს გაუსვამს უკვე შემოღებული შეზღუდვების ეფექტურობას „ჩრდილოვანი ფლოტის“ და რუსული ენერგორესურსების ტრანსპორტირებაში ჩართული კომპანიების მიმართ.
დაუნინგ სტრიტის განცხადებაში აღნიშნულია, რომ დიდმა ბრიტანეთმა სანქციები დააწესა 100-ზე მეტ გემზე, რომლებიც გამოიყენებოდა რუსული ენერგომომარაგების ტრანსპორტირებისთვის.
„პრემიერ-მინისტრი მოუწოდებს ევროპას, შეინარჩუნოს ზეწოლა პუტინზე, უკრაინის სამხედრო მხარდაჭერით, რათა უზრუნველყოს მისი მაქსიმალურად ძლიერი პოზიცია“, - ნათქვამია განცხადებაში.
