აშშ-ის პრეზიდენტმა დონალდ ტრამპმა განაცხადა, რომ აპირებს უახლოეს მომავალში ევროპულ საქონელზე ტარიფების დაწესებას. მან ევროკავშირი შეერთებული შტატების მიმართ არასამართლიან სავაჭრო პოლიტიკაში დაადანაშაულა.
„ისინი არ იღებენ ჩვენს მანქანებს, არ იღებენ ჩვენს სოფლის მეურნეობის პროდუქტებს. ისინი თითქმის არაფერს იღებენ, მაგრამ ჩვენ მათგან ყველაფერს ვღებულობთ – მილიონობით მანქანიდან დაწყებული საკვებითა და სოფლის მეურნეობის პროდუქციის უზარმაზარი რაოდენობით დამთავრებული“, - თქვა ტრამპმა.
შეკითხვაზე, დადგენილია თუ არა ევროკავშირისთვის ტარიფების დაწესების კონკრეტული ვადა, ტრამპმა უპასუხა: „მე არ ვიტყოდი, რომ არსებობს კონკრეტული ვადები, მაგრამ ეს ძალიან მალე მოხდება“.
„აშშ გაძარცვა მსოფლიოს თითქმის ყველა ქვეყანამ. ჩვენ თითქმის ყველა ქვეყანასთან გვაქვს დეფიციტი - არა ყველასთან, არამედ უმეტესთან და ჩვენ ამას შევცვლით. ეს უსამართლობა იყო. მათ ნამდვილად ისარგებლეს [აშშ]-ით“, - განაცხადა ტრამპმა.
