აშშ-ის პრეზიდენტმა დონალდ ტრამპმა ჟურნალისტებს განუცხადა, რომ შეერთებული შტატები „აპირებს“ დაიბრუნოს პანამის არხი ან, „რაღაც ძალიან ძლიერი მოხდება“.
„ჩინეთი აკონტროლებს პანამის არხს, რომელიც არ გადაცემულა ჩინეთისთვის, ის პანამას გადაეცა უგუნურად, მაგრამ მათ დაარღვიეს შეთანხმება და ჩვენ ვაპირებთ ის უკან დავიბრუნოთ ან რათაც ძალიან ძლიერი მოხდება“, - განუცხადა ტრამპმა ჟურნალისტებს .
ტრამპის საჯაროდ გაცხადებულმა სურვილმა პანამასთან დაკავშირებით უკვე გამოიწვია დიპლომატიური აჟიოტაჟი.
გუშინ აშშ-ის სახელმწიფო მდივანმა, მარკო რუბიომ პანამაში პრეზიდენტ ხოსე რაულ მულინოსთან და საგარეო საქმეთა მინისტრ ხავიერ მარტინეს-აჩასთან შეხვედრა გამართა. რუბიომ აღნიშნა, რომ არსებული მდგომარეობა მიუღებელია და თუ დაუყოვნებლივი ცვლილებები არ განხორციელდება, აშშ იძულებული იქნება, მიიღოს საჭირო ზომები ხელშეკრულებით გათვალისწინებული უფლებების დასაცავად.
პანამის პრეზიდენტმა ხოსე რაულ მულინომ განაცხადა, რომ არხის საკუთრებაზე აშშს-თან მოლაპარაკებაარ მოხდება.
