ამერიკელი მილიარდერი, აშშ-ის სამთავრობო ეფექტიანობის დეპარტამენტის ხელმძღვანელი ილონ მასკი აცხადებს, რომ აშშ-ის საერთაშორისო განვითარების სააგენტო (USAID) ბოროტებაა.
„USAID-ი იყო რადიკალი მემარცხენე მარქსისტი კრიმინალების ბუდე, რომლებსაც სძულთ ამერიკა“, – წერს მასკი.
მასკი USAID-ს კრიმინალურ ორგანიზაციას უწოდებს.
„USAID-ი არის კრიმინალური ორგანიზაცია. დროა, რომ მოკვდეს“, – წერს მასკი.
გავრცელებული ინფორმაციით, აშშ-ს საერთაშორისო განვითარების სააგენტოს (USAID) ვებგვერდი თითქმის ორი დღეა, რა გაითიშა და ხელმიუწვდომელია მას შემდეგ, რაც პრეზიდენტმა დონალდ ტრამპმა აშშ-ს საგარეო განვითარების დახმარების შეჩერებასა და გადახედვაზე აღმასრულებელი ბრძანება გამოსცა.
გამოცემა Reuters-ის ცნობით, ორმა წყარომ 31 იანვარს განაცხადა, რომ ტრამპის ადმინისტრაცია სააგენტოს დამოუკიდებლად არსებობის შეწყვეტასა და მის სახელმწიფო დეპარტამენტის დაქვემდებარებაში გადაყვანას აპირებს.
