ამერიკელმა სამხედროებმა სომალიში „ისლამური სახელმწიფოს“ (ISIS) მებრძოლთა ობიექტებზე საჰაერო დარტყმები განახორციელეს. დარტყმების შედეგად ლიკვიდირებულია რამდენიმე ტერორისტი. იუწყება The Guardian
ეს არის აშშ-ის პირველი დარტყმა აფრიკულ ქვეყანაში დონალდ ტრამპის მეორე ვადის დაწყებიდან.
დარტყმები განხორციელდა გოლისის მთებში, ნახევრად ავტონომიურ პუნტლენდის რეგიონში, ჩრდილოეთ სომალიში.
ოპერაციის მიზანი უყო ISIS-ის მაღალი რანგის პირებისა და დაჯგუფების სხვა წევრების განადგურება, რომლებიც გეგმავდნენ ისლამური სხელმწიფოს“ თავდასხმებს.
ამერიკის პრეზიდენტმა დონალდ ტრამპმა სოციალურ ქსელ Truth Social-ში გამოქვეყნებულ პოსტში აღნიშნა, რომ მებრძოლები ემუქრებოდნენ შეერთებულ შტატებსა და მის მოკავშირეებს და ცხაზი გაუსვა ოპერაციის წარმატებით დასრულებას.
„ეს მკვლელები, რომლებიც ჩვენ ვიპოვეთ, იმალებოდნენ გამოქვაბულებში. ჩვენმა სამხედროებმა გაანადგურეს ეს სამალავი და გაანადგურეს ბევრი ტერორისტი მშვიდობიანი მოსახლეობისთვის ზიანის მიყენების გარეშე.
ჩვენი სამხედროები წლების განმავლობაში მიყვებოდნენ ISIS-ის თავდასხმის დამგეგმავების კვალს, მაგრამ ბაიდენი და მისი მეგობრები საკმარისად სწრაფად არ მოძრაობდნენ იმისათვის, რომ თავიანთი სამუშაო შეესრულებინათ. ეს მე გავაკეთე!" - წერს ტრამპი.
აშშ-ის თავდაცვის მდივნის პიტ ჰეგსეტის თქმით, ოპერაციამ შეასუსტა ISIS-ის შესაძლებლობა დაგეგმოს და განახორციელოს ტერორისტული თავდასხმები, რომლებიც საფრთხეს უქმნის შეერთებულ შტატებსა და მის პარტნიორებს.
