ილია ღლონტი თავისუფალია. მან პოლიციის მთავარი სამმართველო რამდენიმე წუთის წინ დატოვა.
როგორც ღლონტმა გამოსვლის შემდეგ აღნიშნა, პოლიცია დაინტერესებული იყო სოციალურ ქსელში მისი გაზიარებული პოსტით. ღლონტმა განმარტა, რომ ჯგუფ "დაიტოვეში" ნიუსი ჰქონდა გაზიარებული ხვალ დაგეგმილ აქციასთან დაკავშირებით.
“სამწუხაროა ის, რაც ხდება. აღმოჩნდა, რომ ჩემი "პუბლიკას" მიერ დადებული ნიუსის გაზიარება იყო პრობლემა და დრეს რაც მოხდა, ამ საფუძვლით დევს საქმეში, ეს ზუსტად ვიცი. საბოლოო ჯამში პრობლემა მდგომარეობს ამ სისტემის სისტემატიურ უსამართლობაზე. გასულები არიან მორალის ზონიდან. აი ამ ჩემს გაზიარებულ პოსტზე რაც ხდება, არვიცი... ეძებენ ორგანიზატორებს, უნდა გვესმოდეს, რომ თვითონ არიან ამ ყველაფრის ორგანიზატორები. მათ გადააბიჯეს ყველა სამართალებრივ ჩარჩოს და ისინი არიან დამნაშავეები ყველაფერში, რაც ხდება" - ამბობს ილია ღლონტი.
ფეისბუქ ჯგუფ "დაიტოვეს" ადმინისტრატორი, ილია ღლონტი განყოფილებაში მისი სახლის ჩხრეკის შემდეგ, რამდენიმე საათის წინ გადაიყვანეს.
