ლოს-ანჯელესის გარეუბანში ხანძარი სრული კონტროლის ქვეშაა. ამის შესახებ ინფორმაციას კალიფორნიის სატყეო და ხანძარსაწინააღმდეგო დეპარტამენტი ავრცელებს.
დეპარტამენტის მონაცემების მიხედვით, პასიფიკ-პალისეიდსა და იტონის რაიონებში ორი დიდი ხანძრის კერა 100%-ით ლოკალიზებულია. ხანძრის საერთო ფართობი 233 კვ. კმ იყო, რაც დაახლოებით 33 000 ფეხბურთის მოედნის ტოლია .
დანგრეულია 16255 შენობა. წინასწარი ინფორმაციით, დაღუპულია რ29 ადამიანი.
Reuters-ის ცნობით, ხანძრის შედეგად მიყენებული მატერიალური ზარალი 250 მილიარდ დოლარს შეადგენს.
Reuters-ი აღნიშნავს, რომ სამხრეთ კალიფორნიაში წვიმა გასულ კვირას მოვიდა, რაც ხანძრის ჩაქრობას დაეხმარა.
AFP-ის ცნობით, ლოს-ანჯელესის გარეუბანში მცხოვრებთათვის ადრე დაწესებული ევაკუაციის ბრძანებები გაუქმდა. სხვადასხვა დროს ევაკუაციის ბრძანება 180 000 ადამიანს შეეხო.
