ეს არის მართალი ბრძოლა და მართალ ბრძოლაში არასდროს მარცხდება ქართველი, - ასე მიმართა პრეზიდენტმა, სალომე ზურაბიშვილმა ბათუმში, შოთა რუსთაველის სახელობის სახელმწიფო უნივერსიტეტთან შეკრებილ აქციის მონაწილეებს.
“მე ჩამოვედი იმისთვის, რომ თქვენ გამოგიცხადოთ ჩემი სოლიდარობა და კიდევ ერთხელ გითხრათ, რომ თქვენთან ვიქნები ბოლომდე - განაცხადა მეხუთე პრეზიდენტმა.
არავინ, ვერავინ შეაშინებს ქართველს, როცა იბრძვის იმისთვის, რომ ხვალინდელი საქართველო იყოს ისეთი თავისუფალი, დამოუკიდებელი, ევროპული, როგორიც თითოეულ ჩვენგანს თავის შვილებისთვის, შვილიშვილებისთვის უნდა. ეს არის მართალი ბრძოლა და მართალ ბრძოლაში არასდროს მარცხდება ქართველი.
ბათუმში და საქართველოს სხვადასხვა ქალაქებში, სადაც ხალხი დგას ერთობლივად, ყველას მინდა გისურვოთ გამძლეობა, რადგან ჩვენ ვიქნებით ერთად ბოლომდე. მე ჩამოვედი იმისთვის, რომ თქვენ გამოგიცხადოთ ჩემი სოლიდარობა და კიდევ ერთხელ გითხრათ, რომ თქვენთან ვიქნები ბოლომდე. ის ბოლო არის ჩვენი გამარჯვება, საქართველოს გამარჯვება", - განაცხადა სალომე ზურაბიშვილმა".
