მზია ამაღლობელმა გამოაჩინა ქართველი ქალის გამძლეობა, - ამის შესახებ საქართველოს მეხუთე პრეზიდენტმა სალომე ზურაბიშვილმა გამოცემა "ბათუმელებთან" ინტერვიუში განაცხადა.
"ჩემი აქ მოსვლის მთავარი მიზანი არის ის, რომ მე სამწუხაროდ ციხეში ვერ ვესტუმრები, მაგრამ მინდა, რომ საზოგადოების სახელით გადავცე ის ღრმა პატივისცემა, რაც დღეს არსებობს ქვეყანაში მის მიმართ, მისი მხნეობის მიმართ და ჩვენი ყველას სოლიდარობა მასთან, ამ ძალიან რთულ მომენტში და მინდა, რომ მადლობა ვუთხრათ...
მადლობა იმისთვის, რომ გამოაჩინა არამხოლოდ ჩვენი საზოგადოების თვალში, არამედ საზღვარგარეთაც გამოაჩინა ქართველი ქალის გამძლეობა და ვაჟკაცობა ამ ძალიან რთულ პერიოდში და ეს არის ის, რაც გაგვიტანს ბოლომდე და გადაგვარჩენს. ამისთვის, მისი სახელი ძალიან დიდხანს დარჩება ჩვენს ისტორიაში," - განაცხადა სალომე ზურაბიშვილმა.
