ვენესუელამ 6 ამერიკელი პატიმარი გაათავისუფლა. კარაკასში მოლაპარაკებებისთვის შეხვედრა ვენესუელის პრეზიდენტმა ნიკოლას მადურომ და ტრამპის ადმინისტრაციიდან რიჩარდ გრენელმა გამართეს. "ჩვენ უკვე ჩავსხედით და სახლში მივდივართ ექვს ამერიკელ მოქალაქესთან ერთად", -დაწერა გრენელმა X-ზე.
შეხვედრაზე მხარეებმა განიხილეს დაკავებული ამერიკელების საკითხი, ასევე სადეპორტაციო რეისები, თანამშრომლობა კრიმინალური დაჯგუფება Tren de Aragua-ის წინააღმდეგ ბრძოლაში. იუწყება BBC
შეხვედრის შემდგომ, მადურომ განაცხადა, რომ მოლაპარაკებებს "ნოლი დღის წესრიგი" ჰქონდათ და მისი მიზანი აშშ-სთან "ორმხრივი ურთიერთობების ახალი დასაწყისი" იყო.
თუმცა, თეთრი სახლის პრესმდივანმა ქეროლაინ ლევიტმა კარაკასის მოლაპარაკებებამდე განაცხადა, რომ გრენელის ვიზიტი აშშ-ს მხრიდან ვენესუელის ლეგიტიმურ ლიდერად მადუროს აღიარებას არ გულისხმობდა.
საერთო ჯამში, მადუროს მთავრობამ დააკავა სულ მცირე ცხრა ამერიკელი დისიდენტებისა და უცხო ქვეყნის მოქალაქეების მასშტაბური რეპრესიების ფარგლებში, ივლისის საპრეზიდენტო არჩევნების შემდეგ, რომელშიც განარჯვებულად მადურო გამოცხადდა.
მადურომ , 10 იანვარს, ვენესუელის პრეზიდენტის თანამდებობა ოფიციალურად უკვე მესამედ დაიკავა. ამ პოსტს ის 2013 წლიდან იკავებს.
ბაიდენის ადმინისტრაციამ მადუროს ინაუგურაცია არ აღიარა.
19 იანვარს, დონალდ ტრამპის ინაუგურაციის წინა დღეს, Axios-მა, ტრამპის გუნდის სამხედრო მრჩევლებზე დაყრდნობით გაავრცელა ინფორმაცია, რომ ტრამპის ადმინისტრაციას სურს ვენესუელის მთავრობისა და პრეზიდენტის შეცვლა.
