აშშ-ის პრეზიდენტმა დონალდ ტრამპმა განაცხადა, რომ ევროკავშირს ტარიფებს დაუწესებს, ვაშინგტონის მიმართ ბრიუსელის საშინელი დამოკიდებულების გამო.
„ვაპირებ თუ არა ევროკავშირისთვის ტარიფების დაწესებას?.. აბსოლუტურად. ევროკავშირი ასე საშინლად გვექცევა”, - თქვა მან თეთრ სახლში გამართულ ბრიფინგზე.
ტრამპმა განმარტა, რომ ამან აშშ-ს უნდა მისცეს ვითარების გამოსწორების საშუალება სავაჭრო დეფიციტთან დაკავშირებით.
გარდა ამისა, ამერიკის პრეზიდენტმა თქვა, რომ ჩინეთი, კანადა და მექსიკა ახლა ვერაფერს გააკეთებენ აშშ-ს მხრიდან მოსალოდნელი ტარიფების შემოღების თავიდან ასაცილებლად.
ტრამპის თქმით, კანადა პასუხისმგებელია შეერთებულ შტატებში ნარკოტიკების მნიშვნელოვანი რაოდენობით კონტრაბანდაზ. მისივე თქმით, ნარკოტიკები ქვეყანაში მექსიკის გავლითაც შემოდის და მათ წარმოებაში ჩინეთს ადანაშაულებს.
შეგახსენებთ, თეთრ სახლში განაცხადეს, რომ დონალდ ტრამპი პირველი თებერვლიდან ახალ ტარიფებს დაუწესებს მექსიკას, კანადასა და ჩინეთს.
