31 იანვარს უკრაინის თავდაცვის ძალების სარაკეტო და საარტილერიო დანაყოფებმა შეუტიეს რუსეთის შეიარაღებული ძალების კურსკის ჯგუფის სამეთაურო პუნქტს კურსკის ოლქის ქალაქ რილსკში. ამის შესახებ ინფორმაციას უკრაინის შეიარაღებული ძალების გენშტაბი ავრცელებს.
„მაღალი ზუსტი და კოორდინირებული დარტყმის შედეგად განადგურდა მოწინააღმდეგის სამეთაურო პუნქტი.
ეს ოპერაცია არის მტრის სამეთაურო პუნქტების განადგურების სისტემატური ძალისხმევის ნაწილი, რაც ართმევს მას საბრძოლო ოპერაციებისა და ლოჯისტიკის ეფექტური კოორდინაციის უნარს“, - აღნიშნულია გენშტაბის ინფორმაციაში.
გენშტაბში აღნიშნეს, რომ უკრაინის თავდაცვის ძალები აგრძელებენ ზიანის მიყენებას საოკუპაციო ძალებისთვის, ანადგურებენ მათ სამეთაურო სისტემას და ამცირებენ მათ შეტევითი პოტენციალს.
უკრაინის გენშტაბის ანგარიშში ასევე ნათქვამია, რომ მტრის სამეთაურო პუნქტების განადგურების ოპერაციები გაგრძელდება უკრაინის წინააღმდეგ რუსული აგრესიის სრულ შეწყვეტამდე.
