აშშ-ის პრეზიდენტმა დონალდ ტრამპმა სპეციალურ წარმომადგენელს უკრაინასა და რუსეთში, კიტ კელოგს დაავალა, 100 დღის განმავლობაში დაასრულოს რუსეთის ომი უკრაინის წინააღმდეგ. ამის შესახებ The Wall Street Journal (WSJ) წერს.
"თითქმის არავინ ფიქრობს, რომ მას შეუძლია ამის გაკეთება, განსაკუთრებით რუსები", - აცხადებენ სტატის ავტორები.
ამავდროულად, როგორც პუბლიკაციიდან ირკვევა, ექსპერტები მიიჩნევენ, რომ დონალდ ტრამპი აპირებს პირადად გააკონტროლოს უკრაინასთან დაკავშირებით მოლაპარაკებები.
„კელოგი მას კონსულტაციას გაუწევს მოლაპარაკებებთან დაკავშირებით, მაგრამ მკაფიოდ არ არის ნათელი, რომ ტრამპს რჩევა სჭირდება“, - აღნიშნავს WSJ.
ჟურნალისტები აღნიშნავენ, რომ რუსეთის პრეზიდენტ ვლადიმირ პუტინთან გარიგების დადება ბევრად უფრო რთული იქნება, ვიდრე ტრამპი ფიქრობდა, როდესაც ის წინასაარჩევნო კამპანიის დროს პირობას დებდა, რომ უკრაინის ომს თეთრ სახლში დაბრუნებიდან 24 საათში დაასრულებდა .
თავად კელოგმა, ჯერ კიდევ ტრამპის ინაუგურაციამდე, 2025 წლის იანვრის დასაწყისში, Fox News-თან განაცხადა, რომ მას სურს უკრაინაში სამხედრო კონფლიქტის გადაწყვეტა 100 დღის განმავლობაში.
თუმცა, მაშინაც კი, ექსპერტები ასეთ მისწრაფებებს არარეალურს უწოდებდნენ.
