აშშ-ის მიერ რუსეთის "ჩრდილოვანი ფლოტის" წინააღმდეგ მკაცრი სანქციების დაწესებიდან სამი დღის შემდეგ, რუსულ ტანკერებს უკვე აქვთ პრობლემები ჩინეთსა და ინდოეთში. იუწყება სააგენტო Bloomberg.
როგორც ჟურნალისტებს ინდოელმა მაღალჩინოსანმა განუცხადა, სანქციებს დაქვემდებარებული გემები ვერ შეძლებენ ტვირთის გადმოტვირთვას ინდოეთის პორტებში.
გამონაკლისი იქნება მხოლოდ ტანკერებისთვის, რომლებიც 10 იანვრამდე შევიდნენ პორტებში. მათ ტვირთის გადმოტვირთვა 12 მარტამდე მოუწევთ.
მანამდე სააგენტო იუწყებოდა, რომ ჩინეთში სამი ტანკერი რუსული ნავთობით, სავარაუდოდ, ასევე "ჩრდილოვანი ფლოტიდან", ჩადგნენ ჩინეთის პროვინცია შანდონგის პორტთან, მათ არ გადმოტვირთავენ.
გემები, რომლებსაც 2 მილიონ ბარელზე მეტი ნავთობი გადაჰქონდათ, 15 იანვარამდე უნდა გადმოეტვირთათ, მაგრამ 10 იანვარს აშშ-ოს სახაზინო დეპარტამენტმა ახალი სანქციები დააწესა რუსეთის ნავთობის სექტორისა და "ჩრდილოვანი ფლოტის" წინააღმდეგ.
კონკრეტულად, სანქციებს დაექვემდებარა 180-ზე მეტ ტანკერი, მათ შორის ჩინეთის პორტში შესული სამი გემი.
