კალიფორნიაში ტყის ხანძრის შედეგად დაღუპულთა რაოდენობა ხუთამდე გაიზარდა.
„დღეს ადრე ჩვენ ვაცნობეთ ორი დაღუპულის შესახებ. სამწუხაროდ, დაღუპულთა რიცხვი ხუთამდე გაიზარდა", - თქვა ლოს-ანჯელესის ოლქის შერიფმა რობერტ ლუნამ.
მისივე თქმით, ხანძრები ჯერ ლოკალიზებული არ არის და შესაძლოა დაშავებულთა რაოდენობა გაიზარდოს. მდგომარეობას ძლიერი ქარი და უნალექო ამინდი ამძიმებს.
ხელისუფლების განცხადებით, ლოს ანჯელესის რაიონში ხუთი ხანძარი კვლავ მძვინვარებს, ევაკუაციის ზონაში 150 000 ადამიანი ცხოვრობს.
სანტა მონიკასა და მალიბუს შორის წყნარი ოკეანის პალიზადესის რეგიონში ყველაზე დიდი ხანძარი 60 კვადრატულ კილომეტრზე მეტ ფართობზეა.
ლოს-ანჯელესის ოლქის სახანძრო სამსახურის უფროსმა ენტონი მარონემ განაცხადა, რომ ხანძარმა იქ სულ მცირე 1000 შენობა გაანადგურა.
პრესკონფერენციაზე ხელისუფლების წარმომადგენლებმა განაცხადეს, რომ ასევე ხანძარი გაჩნდა ჰოლივუდ ჰილსის რაიონში, ლოს ანჯელესის ერთ-ერთ ყველაზე ცნობილ უბანში, სადაც განთავსებულია ცნობილი ჰოლივუდი.
აშშ-ის პრეზიდენტმა ჯო ბაიდენმა კალიფორნიაში სტიქიური უბედურების რეჟიმი გამოაცხადა და შესაბამის უწყებებს დაავალა ფედერალურ დახმარება გაიზარდოს ტყის ხანძრის შედეგად დაზიანებული ტერიტორიების აღსადგენად.
