საქართველოს ყოფილი თავდაცვის მინისტრი თინა ხიდაშელი, ტელეკომპანი "პირველის" ეთერში, გამოეხმაურა შს მინისტრის ვახტანგ გომელაურისა და გდდ-ს უფროსის მოადგილის, მიზრა კეზევაძის დასანქცირებას.
ხიდაშელის განცხადებით, შინაგან საქმეთა მინისტრის დასანქცირება მაგნიტსკის აქტის ფარგლებში, არის საშინელი განაჩენი დღევანდელი ქართული სახელმწიფოსთვის.
"მისი [ვახტანგ გომელაურის] დასანქცირება არის საშინელი განაჩენი დღევანდელი ქართული სახელმწიფოსთვის. როდესაც პოლიციის უფროსის, ჩვენს შემთხვევაში შინაგან საქმეთა მინისტრის, დასანქცირება ხდება, ეს არის პირდაპირ განაცხადი იმაზე, რომ ქვეყანაში ადამიანებს აწამებენ, ამ ქვეყანაში ადამიანების წინააღმდეგ გამოიყენება ისეთი ტიპის მეთოდები, რომელიც მეორე მსოფლიო ომის შემდეგ, აკრძალულია საერთაშორისო კონვენციებითა და აქტებით. შს მინისტრის წინააღმდეგ გამოყენებული სანქციები, განსაკუთრები მაგნიტსკის სიის ტიპის სანქციები, არის განსაკუთრებით მძიმე განაჩენი ასეთი ტიპის ხელისუფლებებისთვის… როდესაც შს მინისტრს გისანქცირებენ მაგნიტსკის სიით, ნიშნავს, რომ გავლაშიც აღარ ხარ დემოკრატიასთან, შენ ხარ ქვეყანა, რომელიც აწამებს და წერტილი.
ორად-ორი დანაშაული არსებობს დედამიწაზე, წამება და მონობა, რომელიც ყველა საერთაშორისო დოკუმენტით აკრძალულია, გამონაკლისის გარეშე... ეს არის განაჩენი იმ სახელმწიფო ინსტიტუტების წინააღმდეგ, რომლის პრემიერად, პარლამენტის თავმჯდომარედ, მინისტრებად და დეპუტატებად ეს ხალხი თავიანთ თავს ასახელებენ“, - განაცხადა ხიდაშელმა.
