ინგოროყვას ლინიკის ნევროლოგიური განყოფილების ხელმძღვანელი ნინო ხარაიშვილის ინფორმაციით, აქციაზე დაშავებული 21 წლის ალექსანდრე თირქია trკვლავ მედიკამენტოზური ძილის ქვეშ იმყოფება.
ექიმის განცხადებით, პაციენტს სასიცოცხლო პარამეტრები ამ მომენტისთვის სტაბილურია და მას ოფთალმოლოგები აკვირდებიან
"უგრძელდება მედიკამენტოზური ძილი. სასიცოცხლო პარამეტრები ამ მომენტისათვის სტაბილურია. თვალის კაკლების მთლიანობა აქვს შენახული, თუმცა დაზიანების მხარეს მიმდინარეობს ოფთალმოლოგების დაკვირვება. ამ ეტაპზე სასიცოცხლო პარამეტრები სტაბილურია. რეანიმაციაში აგრძელებს მკურნალობას", – განაცხადა ნინო ხარაიშვილმა.
შეგახსენებთ, საპროტესტო აქციის დაშლისას ალექსანდრე თირქიას სავარაუდოდ ე.წ. გაზის კაფსულა მოხვდა. კლინიკაში შეყვანისას მას აღენიშნებოდა სკალპის ღია ჭრილობა, შუბლის ძვლისა და თვალბუდის მოტეხილობა და თავის ტვინში ტრავმული სისხლჩაქცევები. თირქიას გადაუდებელი ოპერაცია ჩაუტარდა.
ფოტო: რადიო თავისუფლება
