პროვოკაციების დაგეგმვას შეეშვით, - ასე მიმართა კოალიცია „ძლიერი საქართველოს“ ლიდერმა, მამუკა ხაზარაძემ ბიძინა ივანიშვილს.
„ბიძინა ივანიშვილო, რისი მიღწევა გინდა, ესენი ჩვენი ქვეყნის შვილები არ არიან? ეს ახალგაზრდობა, რომელსაც დასდევ შენი კრიმინალებით, პოლიციელების ფორმა რომ ჩააცვი, რისი მიღწევა გინდა, ამიხსენი. გინდა, რომ ვინმე დაასახიჩრო? რას ითხოვს ეს ხალხი, ეს ახალგაზრდობა რას ითხოვს? წართმეული არჩევნების თავიდან ჩატარებას, ევროკავშირთან ურთიერთობის აღდგენას, იმ პერსპექტივას, რომელიც წაართვი, შეერთებულ შტატებთან სტრატეგიულ პარტნიორობას, რომელიც გადაკეტე, და ითხოვს იმას, რომ საქართველო იყოს დამოუკიდებელი და თავისუფალი, არ იყოს რუსეთის მონა. და შენ რა გინდა, ამიხსენი, რომ ეს ყველა ადამიანი, თავისუფალი მოქალაქე გამოვიდეს და შენს ჭკუაზე იაროს? არ გამოვა ეს ამბავი, არც გამოსულა არასდროს, ამ თავისუფლებას ვერანაირად ერ გააკონტროლებ. ბრძოლა იქნება ბოლომდე, მშვიდობიანი, და პროვოკაციების დაგეგმვას შეეშვით, ეს ხალხი პროვოკაციას არ აჰყვება. გვაქვს ინფორმაცია, რომ აპირებთ რაღაცების გაკეთებას, ამის უფლებას არ მოგცემთ“, – განაცხადა მამუკა ხაზარაძემ.
