სომხეთის დიასპორის სამინისტროს მტკიცებით, საქართველოში 650 სომხური ეკლესია და ტაძარი იყო, თუმცა დღეისთვის მხოლოდ რამდენიმე ათეულიღა დარჩა. აღნიშნულ ინფორმაციას "არმენპრესი" ავრცელებს.
მათი ინფომაციით, ამ დროისთვის საქართველოს ტერიტორიაზე 44 სომხური ეკლესიაა დარჩენილი, აქედან 38 მათგანი მოქმედია, მათ შორის ყველაზე მეტი ახალქალაქსა და მის რაიონებში მოქმედებს.
სომხეთის დიასპორის სამინისტროს ინფორმაციით, ახალციხეში 9 ტაძარია, წალკასა და ნინოწმინდაში - 4, ბორჯომში - 2, ბათუმში, თეთრწყაროში, ასპინძაში თითო სომხური ეკლესია მოქმედებს, ხოლო თბილისში ორი სომხური ეკლესიაა - წმინდა ეჩმიაძინისა (1805წ.) და წმინდა გევორქის (631წ.) ეკლესიები.
"არმენპრესთან" საუბრისას ეროვნული კრების სომეხმა დეპუტატმა შირაკ ტოროსიანმა აღნიშნა, რომ აუცილებელია, ქართულმა სახელმწიფომ აღიაროს სომხური სამოციქულო ეკლესიის ეპარქია საქართველოში, რომელსაც ჯერ კიდევ არ აქვს სამართლებრივის სტატუსი. ეს კი, მისი განცხადებით, ხელს შეუწყობს ამ ქვეყანაში სომხური ეკლესიების შენარჩუნებას.
