რომელ პუნქტს აპროტესტებენ, ის მაინც გვითხრან, ვუპასუხებდით რამე კონკრეტულს, - ამის შესახებ ქართული ოცნების ერთ-ერთი ლიდერი, მამუკა მდინარაძე სოციალურ ქსელში წერს.
მდინარაძე ეხმიანება ქვეყნის მასშტაბით მიმდინარე აქციებს, რაც გამოიწვია“ქართული ოცნების“ გადაწყვეტილებამ, 2028 წლამდე შეაჩეროს ევროკავშირთან მოლაპარაკებების გახსნის პროცესი.
„ჩვენი განცხადება, სამომავლო გეგმის თვასაზრისით, 4 მთავარ პუნქტს მოიცავს:
1. ვაგრძელებთ ასოცირების ხელშეკრულებით ნაკისრი ვალდებულებების ზედმიწევნით შესრულებას და 2028 წლისთვის შესრულებული გვექნება 90%-ზე მეტი.
2. 2030 წლისთვის საქართველო, კანდიდატ ქვეყნებს შორის, ყველაზე მეტად იქნება მზად ევროკავშირის წევრობისთვის.
3. 2028 წლამდე ჩვენი მხრიდან დღისწესრიგში არ იქნება დაყენებული მოლაპარაკებების გახსნის საკითხი, რათა ეს არ იყოს მუდმივი შანტაჟის მექანიზმი ვინმეს მხრიდან და წყნარად შევძლოთ შესაბამისი რეფორმების გატარება და ქვეყნის განვითარება.
4. ამავე მიზეზით უარს ვამბობთ ევროკავშირის მხრიდან საბიუჯეტო გრანტებით დაფინანსებაზე და ამ ხარჯებს სახელმწიფო საკუთარ თავზე აიღებს.
რომელია აქედან ევროპაზე უარის თქმა და კონკრეტულად რომელ პუნქტს აპროტესტებენ, ის მაინც გვითხრან, ვუპასუხებდით რამე კონკრეტულს“, - მამუკა მდინარაძე.
