კავკასიის საკითხებში ექსპერტი მამუკა არეშიძე აცხადებს, რომ ობამა-სააკაშვილის შეხვედრაზე რუსეთის მსოფლიო სავაჭრო ორგანიზაციაში გაწევრიანებაზე საუბარი, შესაძლოა, საერთოდ არ ყოფილიყო.
"საქართველოს პრეზიდენტის მიხეილ სააკაშვილისა და აშშ-ის პრეზიდენტის ბარაკ ობამას შეხვედრაზე ეჭვი მეპარება, რუსეთის მსოფლიო სავაჭრო ორგანიზაციაში გაწევრიანების საკითხი განეხილათ, რადგან ასეთ შეხვედრებზე გაგრძლებული თემები არ განიხილება", - აღნიშნა არეშიძემ "ჯი-ეიჩ-ენთან" საუბრისას.
მისივე თქმით, თუ გამონაკლისი მოხდა და ვმო-ში რუსეთის შესხვლის საკითხი მხარეებმა მართლაც განიხილეს, მაშინ საქართველოს ხელისუფლებამ უნდა დათმოს თავისი უკომპრომისო პოზიცია.
"საქართველომ უნდა დათმოს უკომპრომისო პოზიცია, როდესაც ლარსზე და ფსოუზე თავის მესაზღვრეების დაყენებას ითხოვს. ეს მოთხოვნა შინაარსით ძალიან კარგია, მაგრამ შეუძლებლია. ქართულმა მხარემ უნდა მოითხოვოს, რომ რუსეთის ბაზარი იყოს ღია საქართველოს პროდუქციისთვის ყოველგვარი პრობლების გარეშე და ეს საერთაშორისო გარანტიებით უნდა იყოს გამყარებული, რადგან რუსეთს ყოველთვის შეუძლია რაღაც მიზეზებით მოძებნოს, თუნდაც სანიტარული კუთხით", - დასძიანა არეშიძემ.
ამასთან, ექსპერტისის შეფასებით, თუ რუსეთი ვმო-ში გაწევრიანდა, ამ ორგანიზაციის წესდების თანახმად, მას უფლება არ ექნება, შეზღუდოს საქართველოს პროდუქციის შესვლა თავის ბაზარზე, თუმცა, მიუხედავად ამისა, მეტი გარანტიისთვის ეს საკითხი საერთაშორისო, სერიოზული გარნატორებთან ერთად უნდა იყოს გაფორმებული შესაბამის დოკუმენტებით, რომელიც საჯარიმო სანქციებსაც უნდა ითვალისწინებდეს.
შეგახსენებთ, რომ საქართველოს პრეზიდენტი მიხეილ სააკაშვილი აშშ-ის პრეზიდენტს ბარაკ ობამას 15 იანვარს ვაშინგტონში შეხვდა, სადაც პრეზიდენტებმა საქართველო-აშშ-ის შორის გაფრომებული სტრატეგიული პარტნიორობის ქარტიის ფარგლებში არსებული საკითხები განიხილეს.
