ეს არჩევნები იყო არალეგიტიმური და მისი საერთაშორისო საზოგადოების მიერ მისი ლეგიტიმაცია შეუძლებელია, არ მოხდება, – ამის შესახებ ოპოზიციური გაერთიანების წარმომადგენლებებისა და დიპლომატიურ კორპუსთან შეხვედრის შემდეგ კოალიცია „ძლიერი საქართველოს“ ლიდერმა, მამუკა ხაზარაძემ განაცხადა.
„დღევანდელი შეხვედრა იყო ძალიან ინფორმატიული, ძალიან ბევრი რამ გაიგეს. ჩვენ მათ წარვუდგინეთ ძალიან მყარი არგუმენტები და ის დარღვევები, რომლებიც ყოველდღიურად შემოდის.
ძალიან მნიშვნელოვანია საერთაშორისო პარტნიორების ინფორმირება და მათი ჩართულობა. ისინი კმაყოფილები წავიდნენ. უფრო მეტ ინფორმაციას მივაწვდით ხვალ, ზეგ, მომდევნო დღეებში, რადგან ეს არჩევნები იყო არალეგიტიმური და საერთაშორისო საზოგადოების მიერ მისი ლეგიტიმაცია შეუძლებელია, არ მოხდება“, – აღნიშნა ხაზარაძემ.
დიპლომატებთან შეხვედრას ესწრებოდნენ „კოალიცია ცვლილებისთვის“, „ძლიერი საქართველოსა“ და „ერთიანობა – ნაციონალური მოძრაობის“ წარმომადგენლები.
