სოფელ ზემო ალვანში გიორგი ფანჯავიძის ლიტერატურულ-საგანმანათლებლო ნაწარმოების ,,ალვანელის” პრეზენტაცია გაიმართა, იდეის ავტორი "ერთიანობა ნაციონალური მოძრაობის" გენერალური მდივანი პეტრე ცისკარიშვილია
გიორგი ფანჯავიძის ლიტერატურულ-საგანმანათლებლო ნაწარმოებში ,,ალვანელი" 1941 წელს, კომუნისტების წინააღმდეგ 98 თუშის აჯანყებაზეა მოთხრობილი. წიგნში საარქივო მასალების კომპილირებით ქრონოლოგიურად, აღწერილია 1941 წლის ეროვნულ-განმანთავისუფლებელი მოძრაობა ,,სამანელების’’ ლიდერის ადამ ბობღიაშვილის და მისი თანამებრძოლი თუშების აჯანყებისა და თავგანწირული ბრძოლის ისტორია საბჭოთა ოკუპაციის წინააღმდეგ. წიგნში აგრეთვე წარმოდგენილია ადამ ბობღიაშვილის პროზა და პოეზია, რომლებიც საბჭოთა კავშირის პერიოდში აკრძალული და არქივში საგულდაგულოდ შენახული გახლდათ.
"ამ წიგნში ჩვენ გავაცოცხლეთ თუში გმირების, სამანლების ისტორია. ეს ადამიანები არიან გიორგი ანწუხელიძის წინაპრები, ის ვაჟკაცები, რომლებიც საქართველოს თავისუფლებისა და დამოუკიდებლობისთვის ბრძოლას შეეწირნენ გასულ საუკუნეში და ასევე, ჩვენ გვინდა, რომ ადამ ბობღიაშვილის, როგორც მწერლის, როგორც პოეტის შესახებ საქართველომ გაცილებით მეტი იცოდეს და მისი ლექსები, მოთხობები გამოტანილი იყოს დღის სინათლეზე", - აღნიშნა პეტრე ცისკარიშვილმა პრეზენტაციაზე
"ეს წიგნი არის ეროვნულ-გამათავისუფლებელი მოძრაობის ლიდერების, თუშეთში გხიზნული ადამ ბობღიაშვილისა და მისი მეგობრების ბრძოლის შესახებ საბჭოთა კავშირის წინააღმდეგ, ასევე, წიგნში წარმოდგენილია ადამ ბობღიაშვილის პროზა, მისი პოეზია, სანამ მოკლავდნენ (ის საკმაოდ ახალგაზრდა ასაკში დაიღუპა, მოკლეს სსრ კავშირის სამხედროებმა). ანუ, ეს არის თუშთა აჯანყების ამბავი, რომელიც თითქოს დაკარგული თავფურცელია საქართველოს ისტორიაში და ეს აჯანყება ხდება მაშინ, როცა სსრკ მესვეურები საერთოდ არ ელოდნენ არავითარ აჯანყებას, რადგან მეტასტაზირებულები იყვნენ უკვე მთლიანად საქართველოში. და ადამ ბობიაშვილმა, 98 თუშთან ერთად კომუნისტებთან კოლაბორაციას თავისუფლებისთვის ბრძოლაში სიკვდილი არჩია. ჩვენ ვეცადეთ, რომ გაგვეცოცხლებინა ეს ამბავი, კომბინირება გაგვეკეთებინა სრული წიგნის და მაქსიმალურად მიგვეტანა მკითხველებამდე ის, რასაც მთელი ისტორიის მანძილზე, საგულდაგულოდ მალავდა საბჭოთა სისტემა", - განაცხადა გიორგი ფანჯავიძემ.
ინფორმაციას „ერთიანი ნაციონალური მოძრაობის“ პრესსამსახური ავრცელებს
