უკრაინაზე შეთანხმება სამართლიანი იქნება, – ამის შესახებ აშშ-ის პრეზიდენტობის კანდიდატმა, დონალდ ტრამპმა, The Washington Post-თან ინტერვიუში განაცხადა.
აშშ-ის ყოფილი პრეზიდენტის თქმით, მას უკრაინის პრეზიდენტი ვოლოდიმირ ზელენსკი მოსწონს და მასთან კარგი ურთიერთობა აქვს.
„იმპიჩმენტის ტყუილის დროს მას შეეძლო ეთქვა, რომ არ იცოდა, რომ საუბარი იწერებოდა, მაგრამ იმის ნაცვლად, რომ დაემტკიცებინა თავისი უპირატესობა და ეთქვა: „დიახ, მე ვგრძნობდი საფრთხეს“, მან თქვა: „მას აბსოლუტურად არაფერი დაუშავებია“. ჩვენ ორივეს გვინდა, დავინახოთ ამ ომის დასასრული და ორივეს გვინდა დავინახოთ სამართლიანი გარიგება და ის იქნება სამართლიანი“, – განაცხადა დონალდ ტრამპმა.
ამასთან, ტრამპმა აღნიშნა, რომ რუსეთის პრეზიდენტი ვლადიმირ პუტინი არასოდეს წამოიწყებდა სრულმასშტაბიან ომს უკრაინის წინააღმდეგ.
”ეს იქნებოდა მისი ოცნება, მაგრამ ის ამას არასოდეს გააკეთებს ჩემ დროს [ხელისუფლებაში ყოფნისას].”
ტრამპმა თქვა, რომ პუტინმა უკრაინაში შეჭრაზე ფიქრი 2021 წელს ავღანეთიდან ამერიკული ჯარების გაყვანის შემდეგ დაიწყო.
"პრობლემა ის არის, რომ ახლა სრულიად განსხვავებული ვითარებაა, რადგან [პუტინმა] ბევრი ადამიანი დაკარგა, მაგრამ მან ბევრ პროგრესს მიაღწია. მან დაიკავა ქვეყნის [უკრაინა] უმეტესი ნაწილი“, - თქვა ტრამპმა.
ტრამპმა ხაზგასმით აღნიშნა, რომ ის კვლავ მიიჩნევს, რომ მთავარ პრობლემად მიიჩნევს იმას, რომ „ევროპა, ისევე როგორც ადრე ნატო-სთან, არ იხდის თავის წილს“.
„ერთ-ერთი ყველაზე დიდი პრობლემა, რომელსაც მე ვაწყდები, არის ის, რომ ევროპა – როგორც ჩემს მოსვლამდე იყო ნატო-ს შემთხვევაში, ინერციით მოძრაობს. ევროპამ იგივე ფული უნდა დადოს, რაც ჩვენ. ევროპა მსგავსი ზომისაა“, - აღნიშნა ტრამპმა
მან ასევე გაიხსენა ცალკეული ქვეყნები, როგორიცაა პოლონეთი, ლიეტუვა, ლატვია და ესტონეთი.
"ვინც ახლოსაა... თუ რამე მოხდება, მათ უჭირთ. პოლონეთი სხვა ვითარებაშია, ვიდრე სხვები. ზოგიერთი ქვეყანა არის... ბევრად შორს. მათ იმდენი უნდა გადაიხადონ, როგორც ჩვენ", - თქვა ტრამპმა.