სამი თვის განმავლობაში "საქართველოს მცირე და საშუალო ბიზნესის ასოციაციაში" გაწევრიანება უფასო იქნება.
ასოციაციის თავმჯდომარის ზვიად კამკამიძის განმარტებით, ამ ხნის განმავლობაში ასოციაცია ბიზნეს წრეების დაინტერესებას და წევრთა რაოდენობას მაქსიმალურ ზრდას შეეცდება.
"ჩვენი 3 თვის განმავლობაში გვექნება უფასო გაწევრიანება და ვეცდებით მაქსიმალურად რაოდენობის გაზრდას, ამ ბიზნესის წარმომადგენლების რათა ერთად მივაწვდინოთ ხელისუფლება ჩვენი პრობლემები და მივიღოთ შესაბამის პასუხები"- აცხადებს "საქართველოს მცირე და საშუალო ბიზნესის ასოციაციის" თავმჯდომარე ზვიად კამკამიძე.
ამ დროისათვის ასოციაციაში გაწევრიანებულია 40-მდე კომპანია და ფიზიკური პირი.
"საქართველოს მცირე და საშუალო ბიზნესის ასოციაცია" არის არასამთავრობო ორგანიზაცია, რომელიც თავის რიგებში აერთიანებს მცირე და საშუალო ბიზნესის წარმომადგენელებს, (ს.ს.; ინდ.მეწარმე; შ.პ.ს. და სხვა) აგრეთვე ფინანსისტებს, ეკონომისტებს, იურისტებს, იმ პირებს, რომლებიც დაინტერესებული არიან საქართველოში ბიზნესის და ეკონომიკის განვითარების საკითხებით.
ასოციაციის მიზანია, საქართველოში ბიზნეს გარემოს განვითარების ხელშეწყობა; მცირე და საშუალო ბიზნესის განვითარების ხელშეწყობა და მეწარმეთა უფლებების დაცვა.
ასოციაციის წევრი შეიძლება გახდეს საქართველოს ან სხვა ქვეყნის მოქალაქე, მოქალაქეობის არმქონე პირი, საქართველოში რეგისტრირებული ნებისმიერი იურიდიული პირი, რომელიც იზიარებს კავშირის მიზნებს და სურს აქტიური მონაწილეობით თავისი წვლილი შეიტანოს მიზნების მისაღწევად.
თავის მხრივ, ასოციაცია იღებს ვალდებულებას ყოველმხრივ დაიცვას თავისი წევრების ინტერესები და მიაწოდოს უფასოდ, ან საბაზრო ფასებთან შედარებით მნიშვნელოვანი ფასდაკლებით სხვადასხვა ბიზნეს სერვისები.
შეგახსენებთ, რომ ასოციაციაში ასოციაციის წევრი აქამდე საწვროს სახით ყოველთვიურად 35 ლარს იხდიდა.