სამეგრელოში, წალენჯიხაში “დემოკრატიის ფესტივალის , ჩატარება ძალიან სიმბოლური და მნიშვნელოვანია მაშინ, როდესაც ჩვენს ქვეყანას სჭირდება ერთიანობა, - ამის შესახებ განაცხადა “ერთიანი ნაციონალური მოძრაობის” თავმჯდომარემ, თინა ბოკუჩავამ წალენჯიხაში განაცხადა.
ბოკუჩავას თქმით, ღრმად დარწმუნებულია, რომ ერთიანობით შეძლებენ ივანიშვილის რუსული რეჟიმის დამარცხებას. მისივე თქმით, მაშინ როდესაც „ქართული ოცნება“ ქადაგებს დაპირისპიებას, ოპოზიციის წარმომადგენლები წალენჯიხაში დემოკრატიის ფესტივალზე იმყოფებიან და ხალხს ხვდებიან.
“ჩვენ ვიმყოფებით დემოკრატიის ფესტივალზე წალენჯიხაში იმისთვის, რომ ერთიანობით წალენჯიხელებთან, სამეგრელოსთან, მთელ საქართველოსთან ერთად გავიმარჯვოთ და გადავარჩინოთ ჩვენი ქვეყნის ევროატლანტიკური მომავალი. ერთიანობით ჩვენ ყველაფერი შეგვიძლია და დარწმუნებული ვარ, რომ სწორედ ერთიანობით დავძლევთ იმ დაპირისპირებას და ძალადობას, რასაც ივანიშვილი და მისი პარტიის წევრები ქადაგებენ.
დემოკრატიის ფესტივალის სწორედ აქ, წალენჯიხაში, სამეგრელოში ჩატარება ძალიან სიმბოლურია და მნიშვნელოვანია მაშინ, როდესაც ჩვენს ქვეყანას სჭირდება ერთიანობა. მაშინ, როდესაც ივანიშვილის პარტია ქადაგებს დაპირისპირებას, ჩვენ ვხედავთ, რომ ერთიანობით, მათ შორის სხვადასხვა ოპოზიციური პარტიების წარმომადგენლები ვართ ხალხთან, ვართ საქართველოს მოქალაქეებთან და ვმსჯელობთ იმაზე, თუ როგორ გადავარჩინოთ დემოკრატია და ქვეყნის ევროატლანტიკური კურსი.” - განაცხადა თინა ბოკუჩავამ.