ევროპული საქართველოს ერთ-ერთი ლიდერი, გიგი წერეთელი ქართული ოცნების ლიდერების განცხადებებს გამოეხმაურა.
გიგი წერეთლის თქმით, ქართული ოცნების ლიდერებიდან კვლავ ომის შიშით მანიპულაცია, ჩვენი მოსახლების დაშინება, ოპოზიციასა და გამოგონილ გლობალური ომის პარტიაზე განცხადებები მოვისმინეთ, რაც ანტიდასავლური კამპანიის ყველაზე მწვავე გამოვლინებაა.
„ამავე დროს ურთიერთგამომრიცხავად გვიმტკიცებენ, რომ ასეთი ნაბიჯებით კვლავ მივდივართ დასავლეთისკენ. ვიხილეთ ოპონენტებისკენ გაშვერილი ხელი და მათ მიმართ გაცხადებული მუქარა, რომ ქართული ოცნება როდესაც მათსავე წარმოდგენით არჩევნებში გაიმარჯვებს, მათი ყველა ოპონენტი დაისჯება.
ეს არის სწორედ ავტორიტარული რეჟიმის მსგავსი განცხადებები, რასაც ვფიქრობ, რომ ოქტომბერში ჩვენი გონიერი ამომრჩევლის გადაწყვეტილება მოყვება“ - თქვა გიგი წერეთელმა