„მეგობარი აქტი“ საქართველოსთვის სასიცოცხლოდ მნიშვნელოვანია იმისათვის, რომ უზრუნველყოფილი იყოს ქვეყანაში მშვიდობა, უსაფრთხოება და კეთილდღეობა, - ამის შესახებ საპარლამენტო ფრაქცია „ერთიანი ნაციონალური მოძრაობის“ დეპუტატმა ლევან ბეჟაშვილმა „მეგობარი აქტის“ მიღებასთან დაკავშირებით განაცხად.ა
ბეჟაშვილის თქმით, მთავარი წინააღმდეგობა კი „მეგობარი აქტსა“ და საქართველოს მოსახლეობას შორის ივანიშვილი და რუსული ოცნებაა.
„ერთიანობის აქტში მოცემული გარანტიები საქართველოსათვის არის ის, რასაც ესწრაფოდა საქართველო უახლოესი ისტორიის განმავლობაში, სადაც საუბარია „მეგობრობის აქტში“ საქართველოს თავდაცვისუნარიანობის განმტკიცებაზე, უვიზო მიმოსვლაზე, ეკონომიკურ დახმარებაზე. რეალურად, ეს არის ის აქტი, რომელიც საქართველოსათვის სასიცოცხლოდ მნიშვნელოვანია. იმისათვის, რომ უზრუნველყოფილი იყოს ქვეყანაში მშვიდობა, უსაფრთხოება და კეთილდღეობა. მთავარი წინააღმდეგობა კი „მეგობარი აქტსა“ და საქართველოს მოსახლეობას შორის ივანიშვილი და რუსული ოცნებაა, რომელიც არჩევნებზე უნდა მოვიშოროთ.“ - განაცხადა ლევან ბეჟაშვილმა.
