ეს არის ფანჩატური ორი, ოღონდ მადამ პრეზიდენტის თავმჯდომარეობით. დაავიწყდათ, ნათელაშვილის ფანჩატურში დილიდან საღამომდე რომ ყელს იღერებდნენ, შალიკო, არ გიფასებენ ძმაო, – ამის შესახებ საპარლამენტო უმრავლესობის წევრმა, ირაკლი ექვსი ოპოზიციური პარტიის მიერ ბრიუსელში ერთიანობის დეკლარაციაზე ხელმოწერასთან დაკავშირებით განაცხადა.

მისი თქმით, საზოგადოებას 26 ოქტომბერს არჩევანის გაკეთება გაუმარტივდება.

„ყველაფერს თავისი სახელი დავარქვათ, ეს არის ფანჩატური ორი, ოღონდ მადამ პრეზიდენტის თავმჯდომარეობით და მისი პატრონაჟით. შალიკო წარსულია, შალიკო გვერდზე გაწიეს, ახლა არ ახსოვთ შალიკო და დაავიწყდათ, მის ფანჩატურში დილიდან საღამომდე რომ ყელს იღერებდნენ. შალიკო, არ გიფასებენ, ძმაო.

რაც შეეხება ფანჩატურ ორს, „დროა“, რომელიც დღემდე რუსული ფულით ფინანსდება და მისი ოჯახი, ჩახდილები „გირჩი“ და მისი მიმდევრები, ჯაფარიძე, პლუს „ლელო“, რომელიც „ნაცმოძრაობის“ დროს აღზევდა, კიდევ უფრო მეტად ხაზარაძე, საპროცესო გარიგებებს რომ უფორმებდნენ ბანკში ღამის საათებში, კუდ-ის და სოდ-ის ოფისებში – რა არის აქ გასაერთიანებელი, ისედაც ერთიანი არ იყვნენ? ვის ატყუებენ, ნაცები ხომ ნაცები არიან? ერთადერთი მადამ პრეზიდენტი – მესიჯი მოვიდა პატრონებისგან, რომ ამ რადიკალების პლატფორმას უნდა უხელმძღვანელოს. ამას ასრულებს ის ქალი, თორემ რომელიმე მახასიათებელი ჰქონდათ განსხვავებული? თავიდან ბოლომდე ყველა არის „ნაცები“ ან ნეონაცები, მორჩა.

ძალიან კარგი პროცესია იმისთვის, რომ საზოგადოებამ იცოდეს, ვინ არიან ესენი. ერთი-ორი პარტია დააკლდათ, ისინიც გაერთიანდებიან და ეგ არის, 2024 წლის ოქტომბერში მარტივი არჩევანის გასაკეთებელი მოცემულობა გვექნება – იქეთ იქნებიან რადიკალები, ლუზერები, ჩახდილები, გამყიდველები, გაკოტრებულები, რუსეთის ინტერესების გამტარებლები, ქართულ ჯარს რომ დააბრალეს ომის წამოწყება და შემდეგ რომ მიატოვეს. ესენი იქნებიან „ნაცები“ და ნეონაცები, ხოლო აქეთ ვიქნებით ჩვენ, მშვიდობის სიმბოლო, გარანტი ეკონომიკური განვითარების, ევროპასთან უვიზო მიმოსვლის, თავისუფალი ვაჭრობის და კანდიდატის სტატუსი – გვირგვინი. მარტივია არჩევანის გაკეთება, ასე რომ, კარგი პროცესი მიმდინარეობს. მადამ პრეზიდენტო, გილოცავთ, თქვენ ეს შეძელით. კიდევ ორი დარჩა, იმათაც თუ შემოიტყუებთ, შემდეგ გეგმა შესრულებულია“, – განაცხადა ირაკლი ზარქუამ.