ივანიშვილს თავში მოსდის იდეები და ვერავინ ეუბნება, რომ ეს საკმაოდ სულელური იდეებია, - ამის შესახებ განაცხადა კოლუმბიის უნივერსიტეტის პროფესორმა, ლინკოლნ მიჩელიმა აშშ-ის კონგრესში ჰელსინკის კომისიის გამართულ ბრიფინგზე, სადაც რუსული სტილის აგენტების კანონის გავრცელება განიხილება. პანელისტები განიხილავენ საქართველოს, უნგრეთის, სლოვაკეთისა და ყირგიზეთის შემთხვევებს. ლინკოლნ მიჩელი
„აშშ-სა და დასავლეთში ხშირად საკმარისად არ აფასებენ, თუ რამდენად კაპრიზულად იღებს გადაწყვეტილებებს ბიძინა ივანიშვილი, რომელიც არანაირ ფორმალურ თანამდებობას არ ფლობს საქართველოს მთავრობაში. მაგრამ ეს არის ის, რასაც ივანიშვილი აკეთებს. მას თავში მოსდის იდეები, მათ აჟღერებს და გარშემო ჰყავს ადამიანები, რომლებიც ყველანაირ სურვილს უსრულებენ იმისთვის რომ ძალაუფლება ჰქონდეთ და არავინ ეუბნება, რომ ეს არის სულელური იდეა. შესაძლებელია, რომ არავინ დარჩა მას, ვინც ეტყოდა, რომ ეს სისულელეა. მე ვერ დავამტკიცებ, რომ ეს რუსეთიდან ნაკარნახევი ნაბიჯია, მაგრამ ერთადერთი, რაც შემიძლია ვთქვა, რომ ეს რუსეთის ინტერესებშია და რუსეთს უწყობს ხელს და ანგრევს საქართველოს დასავლურ მისწრაფებებს”, - განაცხადა მიჩელმა.
