გაერო-ს შეფასებით, ისრაელი ღაზის სექტორში „ჰამასის“ წინააღმდეგ ომში დაბომბვის დროს საკმარისად არ იცავს მშვიდობიან მოსახლეობას.

ისრაელის ჯარებმა შესაძლოა არაერთხელ დაარღვიეს ომის ფუნდამენტური პრინციპები და სამოქალაქო და სამხედრო პირებს არ არჩევდნენ ღაზის სექტორში მიმდინარე სამხედრო კამპანიის დროს, განაცხადა 19 ივნისს გაეროს ადამიანის უფლებების უმაღლესმა კომისარმა ვოლკერ ტიურკმა.

გაერო-მ გამოიძია ისრაელის ექვსი იერიში ღაზის სექტორზე 9 ოქტომბრიდან 2 დეკემბრამდე პერიოდში. გაერო-ს შეფასებითამ დარტყმებს მშვიდობიან მოსახლეობაში დიდი რაოდენობით მსხვერპლი და სამოქალაქო ინფრასტრუქტურის ნგრევა მოჰყვა. ტიურკის ანგარიშში გაეროს ადამიანის უფლებების უწყებამ განაცხადა, რომ ისრაელის ჯარები „შესაძლოა შეტევისას სისტემატურად არღვევდნენ შერჩევითობის, პროპორციულობისა და სიფრთხილის ფუნდამენტურ პრინციპებს“..

ღაზის სექტორის ჯანდაცვის უწყების თანახმად, რომელსაც ჰამასი აკონტროლებს , ისრაელის საჰაერო და სახმელეთო იერიშის შედეგად სექტორში 37400-ზე მეტი ადამიანი დაიღუპა.