აჭარის საზოგადოებრივი მაუწყებლის გადაცემა "თავისუფალ სივრცეში" კულტურის მინისტრმა თეა წულუკიანმა განაცხადა, რომ მსახიობები, რომლებიც თეატრის სცენიდან პროტესტს გამოხატავენ, შეცდომაში არიან შეყვანილი.
"ის ვინც თქვენ ნახეთ, ვინც კულტურის სამინისტროს სისტემაში საქმიანობენ, ანუ ჩვენი მხრიდან იღებენ ხელფასს, ამ ადამიანების მცირე რიცხვმა, სამწუხაროდ დაარღვია ის, რაც ყველაზე მეტად მაწუხებს. ასე არის ოდითგან, რომ ხაზი არსებობს უხილავი, ჯადოსნური, მისტიური, დარბაზსა და სცენას შორის. ეს დაარღვიეს...იმ დარბაზში ყველა არ ზის ერთ აზრზე და ბოდიშს ვიხდი ამ გამოთქმისთვის, "თავზე დამამხე" თეატრი, მაშინ როცა მე შეიძლება ვზივარ, ჩუმად ვარ, არ ვიზიარებ შენ აზრს და შენ თავში მირტყი პლაკატი. ვიღაცამ გაიზიარა, გაუხარდა, მაგრამ ვიღაცამ ხო არ გაიზიარა. ამ ხაზის დარღვევას მე ვდარდობ. სხვა რა დაშავდა. თქვა თავის აზრი, გაიარა და კანონი მაინც მივიღეთ. დარჩა ეს პლაკატი ხელში" ამბობს წულუკიანი.
