იტალიის პრემიერ-მინისტრმა ჯორჯია მელონიმ განაცხადა, რომ ევროპარლამენტის არჩევნები იქნება „რეფერენდუმი, რომელშიც არჩევანი ორ ევროპას შორის უნდა გაკეთონ“. ამის შესახებ მან რომში გამართულ წინასაარჩევნო მიტინგზე თქვა.
მელონის თქმით, მომავალ კვირას ევროპარლამენტის არჩევნები იქნება „რეფერენდუმი ევროპის ორ საპირისპირო ხედვას შორის“.
„ერთი მხრივ, ეს არის იდეოლოგიური, ცენტრალიზებული, ნიჰილისტური, სულ უფრო ტექნოკრატიული ევროპა.
მეორე მხრივ, ეს არის მამაცი და ამაყი ევროპა, რომელიც არ ივიწყებს თავის ფესვებს, რადგან ეს ფესვები განსაზღვრავს ჩვენ ვინ ვართ და გვეხმარება ორიენტირებაში“, - განაცხადა იტალიის პრემიერმა.
მელონი ეკუთვნის მემარჯვენე პარტიას "იტალიის ძმებს". ევროპარლამენტში ეს პოლიტიკური ძალა არის ჯგუფის "ევროპელი კონსერვატორების და რეფორმისტები" (ECR) ნაწილი.
